ИСТАМБЫЛАК|УЭ

Фыкъэда|уэ ц|ыхухэ! Фыкъэда|уэ псори!

Псалъэр Кафказ къуршыжьхэрщ

Ямыщ|эжу хыхьэ гу|эгъуэщ

Зэман пшагъуэм щ|ихъума гуауэщ

Нобэ фигум къэдгъэк|ыжынур.

Сэ а махуэм кхъухь тедзап|эм

Сыкъы|ук|ыри сыкъежьащ,

Къуэ ещанэм сыкъэсауэ

Зы шу къак|уэу къысхуэзащ.

Жак|эм нэпсыр къыщыпытк|ум

Сэлам тыгъуэр ирохьэлъэр,

Сыкъогубжьыри л|ы ихьэлкъым

Жыс|эу щ|алэм сыхуохъыжьэ.

Зы лъэбакъуэщ уэ уи нэпсыр

Плъагъужынум къыпхуэнэжыр,

Жи|эщ шуми си лъэужьыр

И гъуэгуанэу щ|эпхъуэжащ.

Сэ къызочыр а лъэбакъуэр,

Бгъуэнщ|агъ гуэрым сырохьэл|эр.

Л|ауэ щылъыр щ|егъу щэныкъуэм,

Л|эуэ щылъыр абы хэббжэм

Зы щитху хъуну къыщ|эк|ынщ.

Зи джанэбгъэр фыщ|а анэм

И нэр къаплъэу псэр щинащ,

Зи псэм еджэ и сабийри,

Зэса бгъафэм щ|эгъуэлъхьащ.

Насыпыншэу къалъхуа ц|ык|ур

Шхэну хуейщи хок|иик|,

Зи псэр пытхэм ар зэхахри

Плъагъуу я гур щ|оузык|.

Т|эк|у щэ|ужри |эуа дыгъэм

И нэ ц|ык|ухэр щ|илъэфащ.

Сэри щ|ак|уэр занэзэкъуэм

Хьэдэ тепхъуэ яхуэсщ|ащ.

Шум жи|ауэ сэ си нэпсыр,

Щ|ак|уэм тетууэ слъагъужащ.

Мис абдежым сиувык|ыри

Сэ тхьэлъанэ быдэу сщ|ащ

Къызэда|уэр, акъыл зи|эр,

Мы |уэху бзаджэм къезгъэлыну

Емынэ узыр зыхыхьэпауэ

Зытек|уэдэжыр ди лъэпкъ ик|ахэрщ,

Я нэхъыбит|ыр хыр къэукъубейри,

Хьэп|ац|э |усыу хэк|уэдэжахэщ.

Къэнажа т|эк|ур мы къуак|э-бгык|эм

Дэвубыдауэ дывогъэл|ыхьыр.

Фэ ит|ани фи тхьэлъанэщ

Дэ ди ц|ыхухэр ф|ыуэ флъагъуу.

Бгырыс лъэпкъхэм щы|э псоми

Ф|ы къехъул|эм фэ фи гуапэу.

Ар апхуэдэу щытыр пэжым

Зылъэмык|хэр щыхэк|уадэм,

Ди ц|ыхубзхэр шыпл|эжагъэу

Хъан бей гуэлхэм щызэрапхъуэм,

Хэт и хьэдэ фэ вгъеяр?

Лей къыфтехьэу сыт щ|эвдар?

Хьэпэщыпхэ фи нэ хуэхъуу

Сыт фэ дыуэ щ|эвмытхар?

Зэм Щамилым, зэм пащтыхьым,

Зэм алыхьым фырил|ык|уэщ

Дэнэу п|эрэ фэ ц|ыху гъапц|эу,

Емынэжьхэм фи къежьап|эр.

Хэт и хабзэм тедухуэну

Фэ фи хьэдэм и щ|элъхьэк|эр,

Сын фхуэтщ|ынут блащхьэ ф|эту

Щ|ым ар хэпт|эм щ|ыр гызынущ.

Маф|э тщ|ырэ фхедгъасхьэм,

Уз хэтынущ фи жьэрымэм.

Ар псом нэхърэ нэхъ фхуэфащэщ

|ус фахуэхъум псыпц|эблэжьхэм.

Ц|ыху нэлатхэр зэтехуауэ

Щхъухьыр щхъухьым хырек|уадэ,

Зи губамп|эр мыт|ысахэм

Фэ фи ужьыр яхухъу МАХУЭ !!!

Адыгэжь бэракъ гущэри,

Ей жьыбгъэм зырейхьэ.

Дыдеж я хъыбархэри,

Хэт фэ къыфхуихьыжыну !!!

Articles, Publications & Documents  |  Links  |  Home Page